Претседателот на Собранието на Република Македонија, Трајко Вељаноски денеска го прими Дирк Бренгелман, помошник на генералниот секретар на НАТО за политички односи и безбедносна политика. На средбата Вељаноски рекол дека безбедноста на една држава, регион, па и пошироко не може да се темели само врз оружјето, армијата и полицијата, туку пред сé на градење на стабилни политички и економски состојби. Помошникот на генералниот секретар на НАТО, Дирк Бренгелман нагласил дека Алијансата во секој момент е подготвена за соработката со Република Македонија за да ја подигне на повисоко ниво, односно полноправно членство.
