Косовскиот претседател Беџет Пацоли синоќа изјави дека ќе ја почитува одлуката на Уставниот суд и ќе постапи во согласност со неа. Пацоли во интревју за Радио Телевизија Косово изјави дека до него се уште не стигнала одлуката на Уставниот суд, но ќе постапи според она што се бара од него во одлуката. Претходно, претседателството на Собранието на Косово му предложи на Беџет Пацоли да поднесе оставка по одлуката на Уставниот суд дека неговиот избор на функцијата бил неуставен.
