Европскиот комесар за проширување Штефан Филе денеска ќе престојува во Белград, каде што ќе разговара со највисоките српски претставници. Пред посетата, тој изјави дека е можно Србија кон крајот на годинава да добие статус кандидат за членство во ЕУ. За време на посетата, Филе ќе има обраќање во српскиот парламент и ќе ја отвори меѓународната конференција по повод 20- годишнината од постоењето на европската програма Темпус за модернизација на високото образование.
