Десетици илјади жители на Германија денеска протестираат против користењето на нуклеарна енергија. Демонстрантите бараат германските власти да престанат со производството на нуклеарна енергија, посебно по настаните во Јапонија. Портпаролот на полицијата во Берлин изјави дека повеќе од 50,000 луѓе се насобрале во главниот град на земјата. Од полицијата во Хамбург, пак, соопштија дена десетици илјади лица излегле на протести во центарот на градот во северот на Германија. Демонстрации се одржуваат и во Минхен.
