Шефот на приштинската делегација во дијалогот со Белград Едита Тахири изјави дека на новата средба во Брисел вo понеделник ќе бидат отворени прашањата за енергетика и регистарски таблици, и се надева на затворање на прашањата покренати на првиот состанок. „Токму овие прашања ќе бидат тема на разговор и можам да Ве уверам и да ветам дека конструктивно ќе се ангажирам за наоѓање решение“ рече Тахири пред втората рунда преговори меѓу Белград и Приштина на 28 март. На првиот состанок на 7 и 8 март беа отворени прашањата за катастар, царинските печати, авиосообраќајот, телекомуникациите и претседавање со регионалната зона за слободна трговија ЦЕФТА.