Вкупно девет луѓе синоќа биле примени во гостиварската болница на Инективното одделение со симптоми на труење. Станува збор за помлади пациенти кои се жалеле доцна во ноќта на повраќање, дијареа и изнемоштеност. Од болницата велат дека по дадената терапија сите се испратени дома и нема потешки случаи.
Според првичните информации, лицата се затруле од храна во еден ист угостителски објект.
Епидемиолошката служба на Центарот за јавно здравје ги презела сите мерки, се вели во нивното соопштение.
„Земени се примероци за анализа, по што ќе се знаат причините кои довеле до влошување на здравствената состојба на пациентите и дали станува збор за бактериолошка инфекција“, е наведено во соопштението.