Рускиот космонаут Олег Кононенко во саботата го собори светскиот рекорд за вкупно време поминато во вселената, надминувајќи го својот сонародник Генадиј Падалка, кој помина повеќе од 878 дена во орбитата, објави руската вселенска агенција Роскосмос.
Кононенко го собори рекордот во 9:30 часот, соопшти Роскосмос. Се очекува на 5 јуни рускиот космонаут да помине вкупно 1.000 дена во вселената, а до крајот на септември треба да биде таму 1.110 дена, пишува Ројтерс.
„Летам во вселената за да го работам она што најмногу го сакам, а не за да поставувам рекорди“, изјави Кононенко за руската новинска агенција ТАСС.
„Горд сум на сите мои достигнувања, но, уште повеќе горд што рекордот за вкупно времетраење на човечки престој во вселената сè уште го држи руски космонаут“, додаде тој.
59-годишникот го освои првото место од Падалка, која помина вкупно 878 дена, 11 часа, 29 минути и 48 секунди во вселената, според Роскосмос.
Во раните години на вселенската трка, Советскиот Сојуз го претрка Западот откако беше првиот што го лансираше сателитот Спутник 1 во орбитата на Земјата во 1957 година, а потоа советскиот космонаут Јуриј Гагарин стана првиот човек што отпатува во вселената во 1961 година.
Видете и ова: По половина век Русија го лансираше првото вселенско летало на МесечинатаСепак, по распадот на Советскиот Сојуз во 1991 година, руската вселенска програма се соочи со сериозно недоволно финансирање и корупција.
За време на претседателот Владимир Путин, официјалните лица постојано ветуваа дека ќе ги обноват руските вселенски програми, но според властите и вселенските аналитичари, сериозните проблеми остануваат.