Најмалку 26 лица загинаа во ледената бура што зафати девет американски сојузни држави во последните денови, соопштија синоќа локалните власти, додавајќи дека многумина загинале во сообраќајни несреќи поради мразот и слабата видливост на патиштата. Поради невремето, десетици илјади Американци го прославија Божиќ во темница бидејќи имало прекини на струја. Во некои делови на САД, како што е градот Бафало, снегот на некои места достигна и до три метри.
Илјадници летови се откажани во САД поради силната арктичка бура
Локалните власти го повикаа населението да не се движи, но дел од граѓаните сепак излегоа и останаа заглавени во возилата. Метеоролозите најавуваат стабилизирање на времето кон средината на неделата. Во неколку американски градови се отворени засолништа за ранливите категории граѓани. Ледена бура има и во соседна Канада. Повеќе од 150.000 луѓе останаа без струја, а некои железнички линии беа откажани во текот на викендот.