Полицијата во Кочани вчера попладне приведе 18-годишник поради основи на сомнение дека од кругот на болницата во Кочани одзел возило на Итна медицинска помош.
Вработени во полицијата пријавиле дека едно од возилата на Итна помош не е во кругот на болницата, по неколку часа полицијата го пронашла возилото и било вратено на болницата.
Приведениот признал дека претходно украл компјутер и автомобил „опел корса“, тие биле пронајдени кај него и вратени на сопствениците.
Видете и ова: Украдено возило на Итната помош од кочанската болницаПо целосно документирање на случаите против него ќе бидат поднесени соодветни кривични пријави, соопштија денеска од МВР.
Службата за Итна медицинска помош во болницата во Кочани има уште неколку понови возила што се користат за транспорт на пациенти до Штип и Скопје, а едно од нив во март минатата година беше тешко оштетено во сообраќајна несреќа при судир на патот Кочани – Штип.