Твитер повторно го суспендираше профилот на Канје Вест, само два месеца откако беше вратен профилот на раперот, бидејќи неговите твитови ги прекршиле правилата на платформата за социјалните медиуми. Сопственикот на Твитер, Илон Маск, кој себеси се нарекува апсолутист за слобода на говорот, во октомври го поздрави враќањето на раперот, сега познат како Је, на платформата. Во својот последен твит доцна во четвртокот, Маск напиша: „Дадов сè од себе. И покрај тоа, тој повторно го прекрши нашето правило против поттикнување насилство. Сметката ќе биде суспендирана“.
Твитер ја укинува политиката за борба против дезинформации за ковид-19
Твитер доцна во четвртокот, исто така, ограничи еден од твитовите на Је. Неговиот профил беше суспендиран во рок од еден час откако Маск му одговори на корисник на Твитер, кој рече „Елон поправи го Канје те молам“. Твитер го врати профилот на раперот, пред да заврши преземањето на платформата за социјални медиуми од страна на Маск од 44 милијарди долари. Сепак, тој подоцна појасни дека немал никаква улога во враќањето на Је на Твитер.