Руските сили извршија нови напади врз цели во Киев и градот Запорожје, соопштија денеска војската и официјални лица, додека украинските сили одбиваа напади во близина на два града во источниот регион Донбас. Регионалниот гувернер на Киев, Олексиј Кулеба, напиша на Телеграм дека спасувачки екипи биле на местото на нападот во главниот град, но не ја откри локацијата. „Русите го тероризираат регионот Киев ноќе. Елиминацијата на пожарот и последиците од нападоте во тек“, напиша Кулеба. Во Запорожје Русите употребија ракети Смерч за напад врз градот во текот на ноќта, напиша на Телеграм шефот на регионалната воена управа Олександр Старук.
Напади врз повеќе украински цели додека руските сили се подготвуваат за битка во Керсон
„Ноќта непријателот ја нападна периферијата на регионалниот центар. Според прелиминарните информации, станува збор за три проектили на ракетните системи со повеќекратно лансирање Смерч. Нема жртви“, напиша тој. Во источниот регион Донбас, украинските војници се држат против нападите во близина на градовите Авдијевка и Бахмут, каде што се водеа жестоки битки, објави претседателот Володимир Зеленски. Тој ги обвини руските команданти за „лудост“ во нивните напори да ги заземат градовите.