Американскиот производител на автомобили Форд го заврши своето повлекување од рускиот пазар со продажба на своите 49 отсто од акциите во заедничкото вложување Солерс Форд со седиште во Русија. Форд на 26 октомври соопшти дека го финализирал договорот за продажба на својот удел во Солерс Форд за „номинална“ необјавена цена. Форд обезбеди опција за откуп на акциите во период од пет години „доколку глобалната ситуација“ се промени во наредните години, соопшти компанијата. Заедничкото вложување со руската компанија Солерс е основано во 2011 година. Форд ги прекина своите деловни операции во Русија во март, наведувајќи ја длабоката загриженост за инвазијата на Москва врз Украина.
Германскиот Мерцедес ја напушта Русија
Мноштво странски производители на автомобили ги прекинаа операциите во Русија или целосно излегоа. Претходно, германскиот производител на луксузни автомобили Мерцедес-Бенц соопшти дека ќе излезе од Русија со продажба на акции во своите филијали за индустриски и финансиски услуги на локален инвеститор.