Претседателката на Европската комисија Урсула Фон дер Лајен денеска ќе пристигне во посета на Северна Македонија со што ја започнува мини турнејата по земјите од Западен Балкан. До крајот на неделава, Фон Дер Лајен, ќе ги посети уште Косово, Албанија, Босна, Србија и Црна Гора. Фон дер Лaјен ќе биде пречекана од премиерот Димитар Ковачевски на платото пред Владата. Од Европската комисија велат дека целта на нејзината посета е да се покаже дека регионот е важен за Европската Унија.
Скринингот и енергетската криза во фокус на средбата Пендаровски – Фон дер Лајен
Портпаролот на Европската комисија Ерик Мамер, најавувајќи ја турнејата на Западниот Балкан, рече дека Фон дер Лајен веќе соопштила дека Западниот Балкан ќе биде вклучен во механизмот на ЕУ за групно купување на гас. Портпаролот на ЕУ исто така посочи дека таа исто така ќе ја нагласи „решеноста на ЕУ да ја продолжи соработката со Западниот Балкан за сите стратешки прашања и клучни работи“, особено кога станува збор за руската агресија врз Украина.