Новата британска премиерка Лиз Трас ја прифати поканата да ја посети Украина и ја повтори „цврстата поддршка на Велика Британија за слободата и демократијата на Украина“ во време на нејзината војна со Русија.
Трас разговараше со украинскиот претседател Володимир Зеленски во еден од нејзините први разговори со странски лидер откако стана премиер. Премиерката рече дека со нетрпение очекува да работи со Зеленски и дека е среќна што ја прифатила поканата наскоро да ја посети Украина, соопшти нејзиниот кабинет.
- Британија ја прошири листата на санкции кон Русија
- За обнова на Украина ќе требаат 750 милијарди долари
Зеленски на Твитер рече дека се „координирал“ со Трас за да изврши „дополнителен притисок“ врз Русија. Тој, исто така, се заблагодари на британската јавност за одбранбената и економската помош, велејќи дека „важно е Британија да биде подготвена дополнително да ја зајакне истата“.
Американскиот претседател Џо Бајден, исто така, разговараше со Трас по телефон. Нејзиниот кабинет соопшти дека со нетрпение очекува да работи со Бајден „за да се справи со заедничките предизвици, особено со екстремните економски проблеми предизвикани од војната на Путин“.