Во кабинетот на шефот на државата Стево Пендаровски денеска ќе се одржи 17 седница на Советот за безбедност, на чиј дневен ред ќе се најде енергетската криза во земјава, како и мерки за нејзино надминување. Покрај членовите на Советот за безбедност, на седницата ќе присуствуваат и вицепремиерот за економски прашања Фатмир Битиќи, министерот за финансии Фатмир Бесими и министерот за економија Крешник Бектеши.
Од кабинетот на претседателот, информираат дека по завршувањето на седницата на Советот за безбедност ќе следуваат изјави на претседателот Стево Пендаровски и претседателот на Владата Димитар Ковачевски.