На прашањето за убиството на ќерката на рускиот ултранационалист Александар Дугин, Дарија Дугина, портпаролот на Стејт департментот изјави дека САД недвосмислено го осудуваат намерното гаѓање цивили каде било. Портпаролот на Стејт департментот Нед Прајс на дневен брифинг со новинарите одби да каже дали Вашингтон знае кој стои зад нападот, но рече дека не се сомнева дека Русите ќе донесат „одредени заклучоци“.
Русија ја обвинува Украина за смртта на ќерката на Дугин, Киев демантира
Руската Федерална служба за безбедност (ФСБ) ја обвини украинската тајна служба дека го извршила бомбашкиот напад во кој загина ќерката на истакнатиот екстремно десничарски идеолог, поврзан со Кремљ, Александар Дугин, гласен поддржувач и пропагандист на инвазијата на Москва врз Украина. Киев категорично негираше каква било поврзаност со смртта на Дарија Дугина, која беше убиена кога возилото во кое била експлодира во московскиот регион пред два дена.