Времето денеска ќе биде сончево и многу топло со мала облачност во западниот планински регион и на крајниот исток. Ќе дува слаб до умерен ветер од променлив правец.
Максималната температура ќе биде во интервал од 35 до 41 степен.
Во Скопје времето ќе биде сончево со мала локална облачност и со слаб до умерен ветер од северозападен правец. Максмалната температура ќе достигне до 39 степени.
Од УХМР најавуват дека до среда подрачјето на нашата земја и понатаму ќе биде под влијание на топол бран со високи утрински и дневни температури.
Како климатските промени предизвикуваат топлотни бранови во Европа
На целата територија ќе остане активно портокаловото ниво на опасност од високи температури.
Утре попладне и кон крајот на денот ќе има услови за изолирана појава на нестабилност со засилен до силен ветер, краткотраен пороен дожд и грмежи.
На предлог на Министерството за здравство, Владата вчера ја измени Одлуката во врска со препораките поврзани со високите временски температури донесена во средата, со што препораката за ослободување од работни обврски на ранливите групи граѓани, меѓу кои и бремените жени и лицата над 60 години, се продолжува да важи до 27 јули.
Според оваа одлука во градинките се препорачува да не се практикува физичка активност на отворено и да не се изнесуваат децата надвор од 11 до 17 часот.
Исто така се препорачува, работодавците да ги почитуваат законските обврски во насока на одредени технолошки и производни процеси, кои претставуваат дополнителен ризик за здравјето на работниците.