Војната на Русија против Украина се заканува да ги уништи економиите на многу земји во развој кои сега се соочуваат со уште повисоки трошоци за храна и енергија и сè потешки финансиски услови, предупреди работната група на ОН. Генералниот секретар на ОН, Антонио Гутереш, на 13 април го објави извештајот во кој се вели дека војната ја „надополнува“ кризата во храната, енергијата и финансиите во посиромашните земји кои и онака се мачат да се справат со пандемијата на ковид-19, климатските промени и недостатокот на пристап до соодветно финансирање за економско закрепнување.
Војната во Украина - светот во криза со храна
„Сега се соочуваме со совршена бура која се заканува да ги уништи економиите на многу земји во развој“, им рече Гутереш на новинарите, додавајќи: „Дури 1,7 милијарди луѓе - од кои една третина веќе живеат во сиромаштија - сега се многу изложени на нарушувања во системите за храна, енергија и финансии кои предизвикуваат зголемување на сиромаштијата и гладот“. Гутереш го наведе и фактот дека 36 земји увезуваат повеќе од половина од својата пченица од Русија и Украина.
Справувањето со ценовните шокови досега чини 615 милиони евра
Зголемувањето на цените на храната и енергијата, како надополнување на долговите на многу сиромашни земји, може да доведе до социјална и политичка нестабилност, рече Гутереш. Тој повика на итен прекин на војната во Украина, укинување на извозните ограничувања, инвестиции во обновливи извори на енергија и финансиска поддршка за земјите во развој.