Рускиот олигарх Роман Абрамович, кој е под западни санкции поради руската инвазија на Украина, е на мировните преговори меѓу двете земји во Истанбул, објави Ројтерс, повикувајќи се на два извори.
Кремљ претходно соопшти дека Абрамович имал улога на почетокот на мировните преговори меѓу Русија и Украина, но процесот сега е во рацете на преговарачките тимови на двете страни. Во тој период, Абрамович патувал неколку пати меѓу Москва и Киев.
Медиумите објавија дека Абрамович и двајца украински преговарачи имале симптоми на труење на почетокот на овој месец по состанокот во Киев. Симптомите кои ги имале биле црвени очи и постојано и болно кинење и лупење на кожата на лицето и рацете.