Македонската ракометна репрезентација ги одбрани осумте гола предност од првиот бараж натпревара од Скопје и покрај поразот на гостувањето кај Романија (24:22) се пласира во следната фаза од баражите за Светското првенство кое во 2023 година ќе се игра во Шведска и Полска.
Последна пречка за „црвено – жолтите“ е двомеч со Чешка, селекцијата која е на второто место по број на натпревари во нашата историја – вкупно 15 меѓусебни пресметки.
Најдобар на листата на стрелци беше капитенот и селектор на Македонија, Кирил Лазаров, со вкупно шест реализации, го следеа Филип Кузмановски три гола, додека Талески, Ојлески, Пешевски, Георгиевски, Атанасијевиќ постигнаа по два гола. Кај голманите Томовски впиша девет, а Митревски две одбрани. Кај Романија Хумет заврши со седум гола, додека голманот Василе забележа седум одбрани.
Вторите мундијалски баражи на програмата се меѓу 11 и 17 април. Првиот меч се игра во Чешка, вториот е во Скопје.