Францускиот претседател Емануел Макрон денеска рече дека лидерите на ЕУ побрзале да го усвојат првиот круг санкции кон Русија по нејзината инвазија на Украина и дека се подготвени да направат повеќе доколку е потребно.
„Подготвени сме да усвоиме нови санкции, сите опции се на маса“, рече Макрон на прес-конференција на крајот од дводневниот самит на ЕУ во Версај, во близина на Париз.
Макрон додаде дека лидерите на ЕУ испратиле јасна порака до Украина.
„Патот кон нашата Европа е отворен за нив“, рече тој, додавајќи дека Европа ќе и помогне на Украина да го обнови она што Русија го уништува за време на војната.
Русија на 24 февруари започна инвазија на Украина, што е најголем напад на европска земја од Втората светска војна. Обединетите нации денеска соопштија дека Украина ја напуштиле 2,5 милиони луѓе.