Унгарскиот претседател Јанош Адер изјави дека парламентарните избори во таа земја ќе се одржат на 3 април. Изборите ќе бидат тешки за премиерот Виктор Орбан, кој се стреми кон четврти мандат, но првпат се соочува со обединета опозиција, оценуваат посматрачите. Популарноста на Орбан останува висока во Унгарија, каде што поддржувачите на премиерот ја фалат неговата одбрана на националните интереси, како и на христијанскиот идентитет на земјата. Сепак, Орбан беше критикуван за неговите „нелиберални“ ставови за многу теми, како што се имиграцијата, независноста на судството, слободата на медиумите и правата на активистите и членовите на ЛГБТ заедницата.
Орбан: Унгарија нема да ја промени имиграциската политика
Орбан овојпат ќе се соочи со здружената опозиција. За кандидат на здружената опозиција е избран Петер Марки-Заи, конзервативниот градоначалник на мал град во јужна Унгарија. Марки-Заи, економист и инженер кој пет години живее во Соединетите држави и Канада, победи на изборите за градоначалник во 2018 година во Ходмезевасархел, град со околу 44.000 жители, кој со децении беше упориште на владејачката партија Фидес.
Трамп повика на реизбор на Орбан за премиер на Унгарија
„Ако сме обединети, тогаш ќе можеме да ја собориме најкорумпираната влада во Унгарија во последните 1.000 години“, изјави неодамна опозицискиот кандидат. Аналитичарите оценуваат дека Орбан ќе има проблеми да обезбеди двотретинско мнозинство во парламентот.