Израелски воени авиони нападнале позиции на милитантите во Појасот Газа на 1 јануари, откако беа истрелани ракети од палестинската енклава, соопштија безбедносни извори и армијата.
Израелската војска на 2 јануари на Твитер објави дека започнала напади врз цели на милитантите на територијата под контрола на Хамас како одмазда за двете ракети истрелани од Појасот Газа кои паднале во Средоземното Море кај Тел Авив.
„Додека ширум светот огнометите го осветлуваа небото во знак на прослава на Новата 2022 година, различен тип на оган дојде од Газа - терористички ракетен истрел кон Израел“, соопштија израелските одбранбени сили (ИДФ).
Израелската војска одговори дека цел на нападот била фабрика за производство на ракети и воена станица на Хамас. Нема извештаи за жртви.
Нема извештаи ниту за тоа дали ракетите истрелани од Газа требало да го погодат Израел.
Освен еден инцидент во септември, немаше прекугранични ракетни престрелки по прекинот на огнот по 11-дневната војна меѓу Израел и Хамас во мај.
Палестинската милитантна организација Хамас е класифицирана како терористичка група од Израел, САД и Европската унија.