Премиерот на Хрватска, Андреј Пленковиќ денеска изјави дека го осудува насилството, но дека се уште не добил извештај за најновото видео за третманот на мигрантите на границата со Босна и Херцеговина.
„Ние го осудуваме насилството, особено насилството врз мигрантите… Не знаеме кои се сторителите на видеото не се гледа дали мигрантите им се заканувале на некого, тоа е срамота и е крајно лошо. Ако сторителите се во државниот систем, во полицискиот систем, тие ќе одговараат“, истакна Пленковиќ.
Во хрватските и европските медиуми се шпекулира дека дел од полицајците признале дека насилно се однесувале кон мигрантите и оти таква усна наредба добиле од Министерството за внатрешни работи.
Пленковиќ одговарајќи на новинарско прашање истакна дека министерот за внатрешни работи Давор Божиновиќ и понатаму ја има неговата поддршка и оти тој има задача да го истражи случајот и да го реши проблемот.