Шефот за заедничка надворешна политика на ЕУ Жозеп Борел го поздрави договорот за регистарските таблички постигнат меѓу Косово и Србија со посредство на европскиот специјален претставник Мирослав Лајчак во Брисел. Борел на Твитер напиша дека Косово и Србија треба конструктивно да се вклучат во дијалогот за да постигнат брз напредок во нормализирањето на меѓусебните односи.
Американскиот заменик помошниот државен секретар задолжен за Западниот Балкан, Габриел Ескобар исто така беше во Брисел каде што вчера имаше одделни средби со претставници на ЕУ, Србија и Косово. Тој за новинарите изјави дека „приоритет е деескалација на ситуацијата на северот [на Косово], бидејќи тензиите се многу високи.