Катар преговара со Талибанците за отворање на аеродром во Кабул што е можно поскоро, изјави министерот за надворешни работи на земјата. Катар, исто така, ги повикува Талибанците да дозволат Авганистанците да заминат, додаде тој.
Меѓународниот аеродром Хамид Карзаи беше местото на хаотична евакуација што заврши со повлекувањето на Соединетите Држави на 31 -ви август. Аеродромот во моментов не работи.
„Работиме многу напорно и се надеваме дека ќе можеме да го решиме ова што е можно поскоро. Да се надеваме дека ќе слушнеме добри вести во следните неколку дена“, рече министерот за надворешни работи на Катар, шеикот Мохамед бин Абдулрахман ал-Тани.
- ЕУ размислува за сили за брза реакција по евакуацијата од Кабул
- Столтенберг: Бесмислено е НАТО и ЕУ да бидат ривали
Летот, кој пренесуваше тим техничари од Катар, беше првиот авион што слета во Кабул вчера, откако заврши евакуацијата.
Како што беше претходно објавено, британскиот министер за надворешни работи Доминик Рааб се состана со лидерите во Катар за да разговараат за ситуацијата во Авганистан.