Пронајдени се две починати лица во кумановско Табановце. Полицијата соопшти дека на нивните тела биле видливи траги од повреди. Станува збор за сопружници на 36 и 43 годишна возраст. Полициските екипи се уште вршат увид во домот на починатите.
Од Јавното обвинителство во Куманово соопштија дека е издадена наредба за обдукција на двајцата сопружници. Издадена е и наредба за вештачење на трагите и материјалите пронајдени на местото на настанот.
„Јавен обвинител од Основното јавно обвинителство Куманово изврши увид во семејна куќа во селото Табановце каде утринава беа пронајдени телата на две починати лица – маж и жена на возраст од 43 и 36 години. Со цел утврдување на причините за смртта на двајцата сопружници јавниот обвинител издаде наредба за обдукција на телата на починатите, како и наредба за вештачење на пронајдените траги и материјални докази на лице место“, се наведува во соопштението на обвинителството.