Стотици луѓе учествуваа на третата Парада на гордоста за поддршка на ЛГБТИ луѓето во главниот град на БиХ, Сараево. На настанот не беше забележано насилство, главно поради силното полициско присуство кое ја обиколи областа со цел да спречи судири со контра-демонстрантите.
Организаторите порачаа дека ЛГБТИ луѓето се дополнително маргинализирани од почетокот на пандемијата на коронавирус, во која починаа повеќе од 9.700 луѓе во земјата.
"Ние се противиме и велиме дека е доволно. Пандемијата донесе уште повеќе насилство. Не затвори во четири sида, во круг на семејно насилство. Време е да кажеме доволно е", рече еден од организаторите, Амар Чатовиќ, во говор пред зградата на парламентот.
„Ние, лезбејките, хомосексуалците, бисексуалците, транс, интерсексуалците и квир луѓето, излегуваме на улица бидејќи ограничувањата на пандемијата се нашата секојдневна реалност. Во годината зад нас, правата и слободите на Луѓето од ЛГБТИК+ дополнително се влошија“, соопштија групите учесници во јавна изјава.
Барањата на учесниците вклучуваат усвојување закон за истополови партнерства и план за ставање крај на дискриминацијата на ЛГБТИ луѓето во Босна. Десетици противници на парадата одржаа свој собир на друго место во Сараево, велејќи дека сакаат да ги одбранат традиционалните вредности на земјата од „агресивната“ ЛГБТИ идеологија.