Лидерот на шведската опозициска Умерена партија, Улф Кристерсон доби мандат да се обиде да формира нова коалициска влада откако премиерот Стефан Левен поднесе оставка затоа што парламентот ѝ изгласа недоверба на владата. Претседателот на парламентот Андреас Норлен одржа консултации со сите лидери на парламентарните партии по што изјави дека му го дал мандатот на Кристерсон затоа што тој е лидер на најголемата партија во групата на оние кои го замениле Левен.
Изгласана недоверба на шведскиот премиер
Кристерсон има рок до петок да се обиде да обезбеди поддршка за владата, рече Норен, додавајќи дека рокот може да се продолжи. Левен, кој е на функција од 2014 година, одлучи, по гласањето за недоверба на парламентот на 21 јуни, да поднесе оставка наместо да распише предвремени избори, како што дозволува Уставот. Барањето за гласање недоверба на Левен го поднесе националистичката партија Шведски демократи, откако Левица ја повлече поддршката за владата во врска со планот за олеснување на контролата за утврдување на закупнината во новоградбите.