Војниците и пожарникарите започнаа со расчистување на остатоците по реткото и смртоносно торнадо во Чешка. Напорите за расчистување во областа Јужна Моравија вклучија и прегледи на зградите за да се утврди дали тие треба да бидат урнати.
Најмалку пет лица загинаа, а околу 200 беа повредени во торнадото кое помина низ седум села во југоисточниот округ на 24 јуни, проследено со град со големина на тениско топче. Торнадото беше со брзина на ветер од 300 до 400 километри на час.
Меѓу загинатите е и бремена жена од соседна Словачка чие неродено дете исто така починало. Шеесет лица побарале болничко лекување. Чешката Влада соопшти дека планира да обезбеди помош од 19 милиони долари.