Европската унија изрази загриженост во врска со употребата на звучен топ од страна на Грција за да ги истера мигрантите од нејзините граници, покренувајќи прашања за тоа дали уредите не се во спротивност со законите на Унијата за основните права. Асошиејтед прес објави дека грчката гранична полиција користи силен звук од оклопен камион преку границата кон Турција.
Акустичкиот уред со долг дострел или „звучен топ“ е со големина на мал телевизор, но може да создава звук на млазен мотор.
Приведени шест луѓе за криумчарење мигранти
Тоа е дел од огромната низа експериментални нови дигитални бариери што се инсталираат и тестираат за време на тивките месеци на пандемијата на коронавирусот на грчката граница со Турција за да се запрат луѓето да влегуваат во ЕУ без овластување. Портпаролот на Европската комисија Адалберт Јанц рече дека Европската комисија „со загриженост ги забележа извештаите во медиумите во врска со овој систем на звучен топ“ и рече дека Комисијата ќе бара информации од Атина за тоа. Јанц додаде дека зависи од земјите-членки на ЕУ како решаваат да управуваат со своите граници, но дека нивните методи „треба да одговараат на европските основни права, вклучително и на правото на достоинство“.