Здравствените власти денеска соопштија дека се регистрирани 37 нови случаи позитивни на коронавирус од направени 3.143 тестирања, со што вкупниот број на заболени од почетокот на епидемијата е 155.063. Починати се 15 пациенти, а вкупната бројка на смртни случаи од Ковид-19 во земјава е 5.311 лица.
Во моментов во земјава има 2.883 активни случаи на коронавирус, од кои најмногу се во главниот град Скопје, соопшти Министерството за здравство.
Од новите позитивни на Ковид-19 најмногу се во Скопје 20.
Денеска Институот за јавно здравје регистрира 69 оздравени пациенти.
Досега во Северна Македонија направени се вкупно 776.674 тестирања на Ковид-19. Излекувани се 146.869 лица од почетокот на епидемијата.