Независниот надзорен одбор на Фејсбук денеска ќе објави дали ја укинува суспензијата на сметката на поранешниот американски претседател Доналд Трамп. По немирите во Вашингтон на 6 јануари Фејсбук ги блокираше сметките на Трамп на своите платформи на неодредено време. Извршниот директор Марк Цукерберг изјави дека сегашниот контекст значи оти ризиците да му се дозволи да ја користи услугата се „едноставно премногу големи“. Голем број на онлајн платформи го забрануваа поранешниот претседател, вклучувајќи го Snapchat, кој веќе го отстрани од својата програма Discover, и Twitch во сопственост на Amazon, кој претходно го суспендираше за содржина на омраза во јуни.
Навални го обвини Твитер за цензура на Трамп
Јутјуб исто така го забрани каналот на Трамп по немирите. Ова обично доаѓа со суспензија од една недела, но сметката останува замрзната веќе неколку месеци. Извршната директорка на Јутјуб Сузан Војчицки изјави дека суспензијата ќе биде укината кога компанијата ќе утврди дека ризикот од насилство во реалниот свет е намален. Пред одлуката на Фејсбук Трамп отвори простор на својата веб-страница каде што може да објавува пораки. Трамп го промовираше новиот блог, кој им овозможува на другите да ги споделуваат пораките на Твитер и Фејсбук, со цел да ја пренесе пораката до корисниците. Долго очекуваната пресуда на Фејсбук ќе го врати фокусот на тоа како најголемите социјална мрежа во светот одлучуваат што можат и што не можат да кажат светските лидери и политичари на нивните платформи.