Бугарските власти објавија дека ги ублажуваат ограничувањата за деловните активности и другите трговски активности, поради намалување на бројот на случаи со ковид-19 и хоспитализации. Министерството за здравство соопшти дека училиштата и универзитетите ќе бидат отворени следната недела, заедно со трговските центри, додека во рестораните ќе може да се послужува јадење во затворено.
Шоуменот Слави - клучна фигура по изборите во Бугарија?
Од 12 април ќе се вратат најмладите во основните училишта, заедно со некои одделенија од средните училишта. Министерот за образование Красимир Валчев рече дека дури 26 проценти од наставниците се вакцинирани. Бугарија пријави повеќе од 364.000 случаи на коронавирус и над 14.000 смртни случаи поврзани со ковид-19 заклучно со 8 април.