Земјотрес со јачина од 6,2 степени според Рихтеровата скала ја погоди денеска Грција, а потресот беше почувствуван и во Македонија.
Според податоците објавени на веб-страницата emsc-csem.org, земјотресот се случил во 10 часот и 16 минути по локално време, односно во 11 и 16 часот по македонско време. Потресот бил на длабочина од 10 километри, со епицентар на 23 километри од градот Лариса.
Претходно утрово имало два послаби земјотреси во Грција, со јачина од 2,8 и 2,6 степени според Рихтер.
Последен посилен земјотрес кој ја погоди Грција беше оној во октомври лани, кога беше зафатен островот Самос, каде загинаа двајца тинејџери и беше предизвикана голема материјална штета. Епицентарот на тој земјотрес беше во близина на турскиот град Измир, каде, пак, имаше над 30 човечки жртви и беа разурнати стотици објекти.