Фејсбук денеска ги блокираше Австралијците да споделуваат вести поради спорот околу новиот предлог закон со кој се сака платформите на гиганите Фејсбук и Гугл да се присилат да им плаќаат на медиумите за преземање на нивните содржини.
Австралиската влада го нападна потегот на Фејсбук, кој исто така влијаe врз некои владини комуникации, вклучително и пораки на служби за итни случаи и некои комерцијални страници.
Уредбата мора да ја донесе Парламентот за да стане закон. Фејсбук соопшти дека предложениот австралиски закон „фундаментално не ги разбира односите помеѓу платформите и тие што ги користат“. Фејсбук не даде претходно предупредување пред да го донесе блокирањето.