Во текот на изминатото деноноќие, по однос на мерката за носење заштитна маска како заштита од коронавирусот, регистрирани се 352 прекршоци, информираше денеска Министерството за внатрешни работи (МВР).
Од Министерството и денеска преку соопштение апелираат до граѓаните да ги почитуваат мерките и протоколите донесени од Владата со цел справување со Ковид-19. Казната за неносење заштитна опрема за лице изнесува 20 евра.