Поглаварот на Римокатоличката црква, папата Франциск, изјави дека следната 2021 година ќе биде Година на семејството, посветена на местото на семејството во Црквата, бракот и тешкотиите во брачниот живот. Годината на семејството ќе започне на Денот на Свети Јосиф, 19 март 2021 година и ќе заврши на 26 јуни 2022 година, за време на Десеттиот светски состанок аа семејството закажан во Рим. Франциск ги повика семејствата да дадат поголем „приоритет на простувањето отколку раздорот“ и додаде дека во семејството има три зборови што треба да се чуваат и негуваат, а тоа се - ве молам, благодарам и извинете.
Папата ги повика политичарите и компаниите: Мора да има вакцини за сите
За време на годината на семејството, ќе се работи за да им се помогне на паровите да ги едуцираат своите деца и да ја подигнат свеста за „убавината, но и тешкотиите во семејниот живот“ со цел да им помогнат на семејствата во криза. Папата им оддаде почит на медицинските работници и семејствата кои изгубија член за време на епидемијата.