Албанија ги зајакнува мерките за претстојните празници со цел да се спречи ширењето на коронавирусот, информира Огерта Манастирлиу, министерка за здравство и социјална заштита.
Полицискиот час, кој од 11 ноември беше воведе од 22 до 6:00 часот, од 24 декември ќе почнува од 20:30. Оваа мерка ќе важи до 4 јануари, а од 5 јануари полицискиот час повторно ќе почнува од 22 часот.
Од 24 декември до четврти јануари во 20:30 завршува работното време и во угостителските и трговските објекти, освен оние за домашна достава.
Албанија исто така ги прекина летовите од и кон Велика Британија, по најновите информации за појавата на нова идентификувана мутација на коронавирусот во таа земја. Дополнително, се воведува и задолжителна 14-дневна самоизолација за сите патници што ќе пристигнат од Велика Британија во Албанија по други патишта.
Министерката нагласи дека состојбата редовно ќе се анализира и доколку има потреба ограничувачките мерки ќе бидат проширени или намалени.