Во Собранието денеска се очекува да се одржат три пленарни седници, од кои, на првата ќе се обрати претседателот на државата Стево Пендаровски, на втората ќе се расправа и гласа за прогласување на кризна состојба до 30 јуни и третата на која ќе почне петдневната расправа за дополнетиот предлог буџет за 2021 година.
На пленарната седница која почна в понеделникот а денеска ќе продолжи се одвиваше дебата за законот за попис и за прогласување на кризна состојна во државата до 30 јуни во отсуство на опозицијата. Меѓу другото на таа седница се разгледуваше и предлогот Иџет Мемети да стане член на Советот на јавни обвинители.
Тој досега ја извршуваше функцијата Народен правобранител и наскоро му истекува мандатот и правато за повторен избор на истата функција. Гласањето за овие точки беше оневозможено поради недостаток на кворум, па денеска повторно ќе бидат на дневен ред пред пратениците.