Федералните регулатори на САД и 48 сојузни држави и области поднесоа две одделни тужби за монопол против Фејсбук. Двојните тужби, поднесени од Федералната комисија за трговија и коалицијата на јавни обвинители предводени од Њујорк, го обвинуваат гигантот на социјалните медиуми за антиконкурентно однесување. Поточно, во тужбите се бара судот да го принуди Фејсбук да ги распродаде Инстаграм и WhatsApp, кои технолошкиот гигант ги купи во 2012, односно 2014 година. Исто така, се бара да му се забрани на Фејсбук да бара од малите компании на својата платформа да не се натпреваруваат со него.
Гугл пред најголема тужба во САД
Случаите сигнализираат голем регулаторен потег против гигантот на социјалните мрежи што може да претпостави акција против другите технолошки гиганти. Амазон и Епл исто така биле под истрага во Конгресот и од федералните власти за наводно антиконкурентно однесување. „Акциите на „Фејсбук“ за зацврстување и одржување на неговиот монопол им ги негираат на потрошувачите придобивките од конкуренцијата“, рече Јан Конер, директор на Бирото за конкуренција, додавајќи: „Нашата цел е да ја вратиме конкуренцијата за да може да напредува иновацијата и слободната конкуренција“.