Рускиот министер за надворешни работи Сергеј Лавров на 14 и 15 декември ќе допатува во посета на БиХ.
Посетата на Лавров беше најавена за во септември, но е одложена поради неговата самоизолација поради коронавирусот.
Шефот на руската дипломатија за време на посетата ќе има официјални средби со членовите на Претседателството на БиХ, министерката за надворешни работи на БиХ Бисера Турковиќ, како и одвоен состанок со претседавачот на Претседателството на БиХ, Милорад Додик.
Засега не е познато дали, како што беше претходно планирано, ќе разговара и со претставници на двата дома на Парламентот на БиХ.
Лавров последен пат престојуваше во БиХ во 2008 година, кога ги посети Сараево и Бања Лука