Кинеска сонда која носи примероци од површината на Месечината успешно се прицврсти со вселенско летало што кружи околу Месечината, објавија државните медиуми. Товарната капсула што носи лунарни карпи и земја денеска била закачена со орбитерот, објави новинската агенција Ксинхуа, која го нарече овој маневар првото кинеско „прицврстување во орбитата на Месечината“.
Друга капсула со околу 2 килограми карпи и прашина треба да слета во средината на декември. Тоа ќе бидат првите свежи примероци од лунарната површина добиени од научниците во последните четири децении, по мисиите на месечината на САД и на Советскиот Сојуз во 1960-тите и 1970-тите.
Мисијата „Чанг-5“ започна откако Кина изврши две претходни слетувања на Месечината во 2013 и 2019 година. Вселенска програма на земјата се надева дека ќе има вселенска станица со екипаж до 2022 година и евентуално да испрати луѓе на Месечината.