Најмалку две лица загинаа денеска, а неколку други се повредени, кога ги удри автомобил во пешачка зона во градот Трир, во западна Германија, соопшти полицијата, јави новинската агенција Ројтерс.
"Уапсивме едно лице. Две лица починаа, според прелиминарните индикации. Ве молиме, продолжете да го избегнувате централното градско подрачје", објави полицијата на Твитер.
Локалниот весник „Триришер Фолксфрунд“ цитираше очевидец дека темно-сив џип „рејнџ ровер“ се движел со голема брзина и од ударот луѓето биле фрлени во воздух. Весникот пишува и дека центарот на градот бил затворен, а хеликоптери кружат над градот, пренесе Ројтерс.
