Австралискиот премиер Скот Морисон изјави дека извештајот, според кој специјалните сили на Австралија убиле 39 невооружени затвореници и цивили во Авганистан, е „вознемирувачки и тажен“.
Во извештајот, објавен на 19 ноември по истрагата за однесувањето на припадниците на специјалните сили во Авганистан во периодот од 2005 до 2016 година, се наведува дека постарите команданти и ги принудувале помладите војници да убиваат беспомошни затвореници. Во извештајот се препорачува кривично гонење на 19 сегашни и поранешни војници.
Австралиски војници обвинети за убиства во Авганистан
„Овој е страшно вознемирувачки и тажен извештај, но ние ќе се справиме со него во согласност со нашите закони, нашиот систем и судството“, рече Морисон.
Во извештајот на австралиските одбранбени сили (АДФ) се наведува дека војниците „нелегално убиле“ 39 авганистански цивили и затвореници, вклучително и егзекуции.