Шефот на германската дипломатија Хајко Мас ќе оди во двонеделен карантин поради средбата што ја имаше со неговата бугарска колешка Екатерина Захариева и нејзиниот заменик Петко Дојков во Берлин во понеделникот, откако бугарското МНР денеска соопшти дека таа е во самоизолација, а Дојков бил позитивен на брз тест за ковид-19.
Во карантин ќе оди и министерот за Европа во германското МНР, Михаел Рот. Како што соопшти германското МНР, во изолација заминуваат и други вработени во министерството кои присуствувале на средбите. Првиот тест на Мас бил негативен на коронавирус.
Во соопштението на германското МНР воопшто не се споменуваат темата и учесниците на состанокот во понеделникот поради кои министерот заминува во карантин.
На средбата со Захариева во Берлин на покана од германскиот министер за надворешни работи Хајко Мас и на министерот за Европа Миахел Рот присуствуваа и вицепремиерот за европски прашања Никола Димитров и шефот на димпломатијата Бујар Османи.
По извршената епидемиолошка проценка на ризик донесена е одлука вицепремиерот Димитров и министерот Османи да не одат во изолација.