Земјите членки на Европската унија се согласија за воведат санкции кон Александар Лукашенко и за уште 14 други белоруски функционери, како одговор на нивната акција на постизборните протести.
Денеска амбасадорите на земјите членки на ЕУ дадоа зелено светло да им воведат визни забрани и да им се замрзнат средствата на Лукашенко и на останатите функционери. Ваквата одлука треба да биде официјално потврдена на 6 ноември.
По спорните претседателски избори, на кои Лукашенко прогласи победа, земјата се соочува со протести. Опозицијата тврди дека изборите биле наместени, а Западот одбива да ги прифати изборните резултати.
Минатиот месец ЕУ воведе санкци за 40 белоруски официјални лица, но не и за Лукашенко. На нив им е забрането патување во ЕУ и им е замрзнат имотот, поради нивната улога во репресијата на демонстрантите и опозицијата, како и за нивната улога во изборна измама на изборите кои се одржаа на 9 август.
Франс прес објави дека цел на санкциите на ЕУ е и синот на Лукашенко, Виктор, кој е вршител на должноста советник за национална безбедност во Белорусија.
Илјадници луѓе се уапсени низ Белорусија по изборите во август, на кои Лукашенко прогласи победа. Ова е негов шести последователен мандат.
Повеќето од лидерите на опозицијата во земјата се уапсени или принудени да ја напуштат земјата, вклучувајќи ја и претседателската кандидатка Свјатлана Цихануаскаја, која се смета себе си за вистински победник на изборите.