Во текот на изминатото деноноќие, на територијата на Северна Македонија, регистрирани се 749 прекршувања на мерката за носење лична заштита на лице, информираше утрово Министерството за внатрешни работи (МВР).
Од МВР и денеска апелираат до граѓаните да ги почитуваат мерките и протоколите донесени од Владата со цел справување со ковид-19.
Комисијата за заразни болести денеска би можела, доколку е потребно, да ѝ предложи на Владата дополнителен пакет мерки, меѓу кои, како што најави министерот за здравство Вено Филипче, можно е да се најдат и „целосна забрана за сите настани“ и „крај на работното време на сите економски оператори во 23 часот“.
Деновиве беше забележан рекорден број од 532 потврдени случаи.