Претседателот на Собранието, Талат Џафери, за денеска го закажа продолжението нa втората седница на која треба да се расправа и одлучува за Предлог на одлука за утврдување на бројот на потпретседателите на Парламентот.
Собранискиот спикер Џафери предлага Собранието да има пет потпретседатели и во образложението се повикува на Деловникот и на Законот за Собрание, наведувајќи дека „бројот на потпретседателите го утврдува Собранието, по предлог на претседателот, а отпретседателите се избираат од редот на пратениците кои припаѓаат на различни политички партии застапени во Собранието“.
Во август портпаролот на ВМРО- ДПМНЕ, Димче Арсовски, рече дека нивната партија ниту прифаќа, ниту ќе предложи потпретседател на Собранието, по што лидерот на СДСМ, Зоран Заев, рече дека ако ВМРО-ДПМНЕ се откаже од своето право на потпретседател во Собранието тоа ќе го стори и СДСМ.
Според Деловникот, опозицијата има едно потпретседателско место, две предлага Комисијата за избори, а другите две се на мнозинството.