Претседателот на Република Северна Македонија Стево Пендаровски во Братислава ќе учествува на Глобалниот безбедносен форум „ГЛОБСЕК 2020“, каде што ќе има свое обраќање на тема „Западен Балкан по Ковид-19“. За време на работната посета на Братислава, предвидено е Пендаровски, како што соопшти неговиот Кабинет, да оствари билатерална средба со Сузана Чапутова, претседателка на Словачката Република, Мирослав Лајчак специјален претставник на ЕУ за дијалогот Белград-Приштина и за други прашања за Западен Балкан и Олга Стефанишина, заменик премиерка за европска и евроатлантска интеграција на Украина.
Пендаровски на ГС на ОН-решението на историските спорови не е во идеологиите од 19-от век
Годинешниот форум „ГЛОБСЕК 2020“ се одржува под мотото „Заеднички да го излечиме светот – опоравување по целосното затворање“, а темите на дискусија се фокусирани на влијанието на кризата од ковид-19 врз повеќе сфери од општествениот, економскиот, социјалниот и политичкиот живот, како и можностите за изнаоѓање одржливи решенија во периодот што следи.